ସ୍ୱାସ୍ଥ୍ୟ

ଉଦ୍ଦେଶ୍ୟ

• ମାତୃ ମୃତ୍ୟୁ ଓ ଶିଶୁ ମୃତ୍ୟୁ ହାର ହ୍ରାସ କରାଇବା ।
• ଲିଙ୍ଗଗତ ସାମ୍ୟତା ରକ୍ଷା କରାଇବା ଶିଶୁ କନ୍ୟାକୁ ସୁରକ୍ଷା ଦେବା ।
• ଉନ୍ନତ ମାନର ସ୍ୱାସ୍ଥ୍ୟସେବା(ପ୍ରତିଷେଧକ ଓ ଆରୋଗ୍ୟ) ଯୋଗାଇଦେଇ ସାଧାରଣ ନାଗରିକ ମଧ୍ୟରେ ଆସ୍ଥ୍ୟା ଫେରାଇ ଆଣିବା ।
• ସ୍ଵାସ୍ଥ୍ୟ, ଶିକ୍ଷା, ମହିଳା ଓ ଶିଶୁ ବିକାଖ ଏବଂ ପଞ୍ଚାୟତିରାଜ ବିଭାଗ ସହିତ ଗୋଷ୍ଠୀ ସହଭାଗିତା ଓ ଏକାଭିମୁଖତା ନେଈ କାର୍ଯ୍ୟ କରିବା
• ସମସ୍ତଙ୍କ ପାଇଁ ସ୍ଵାସ୍ଥ୍ୟସେବା ଯୋଗାଇଦେଇ ସୁସ୍ଥ ନୟାଗଡ଼ ଗଠନ କରିବା
• ମହାମାରୀ ଓ ପ୍ରାକୃତିକ ବିପର୍ଯ୍ୟୟ ର ତୁରନ୍ତ ମୁକାବିଲା

କାର୍ଯ୍ୟକ୍ରମ

• ପ୍ରଜନନ ଓ ଶିଶୁ ସ୍ଵାସ୍ଥ୍ୟ କାର୍ଯ୍ୟକ୍ରମ
• ସ୍ଵାସ୍ଥ୍ୟ ଅନୁଷ୍ଠାନ ମାନଙ୍କର ଭିତ୍ତିଭୂମି ବିକାଶ , ସ୍ଵାସ୍ଥ୍ୟଭିତ୍ତିକ ସରଞ୍ଜାମ ଯୋଗାଣ ଓ କୁଶଳୀ କର୍ମଚାରୀ ନିୟୋଜନ
• ପୁଞ୍ଜି ବିନିଯୋଗ, ନିୟମିତ ଭାବେ କର୍ମଚାରୀ ମାନଙ୍କର ଦକ୍ଷତା ବିକାଶ
• ଉନ୍ନତ ସ୍ଵାସ୍ଥ୍ୟସେବା ବାର୍ଷିକ ଯୋଜନା ଓ ବ୍ୟୟଅଟକଳ ପ୍ରସ୍ତୁତି

ନୟାଗଡ ଜିଲ୍ଲାର ଜାତୀୟ ସ୍ୱାସ୍ଥ୍ୟ ମିଶନ୍ ଅନ୍ତର୍ଗତ ସ୍ୱାସ୍ଥ୍ୟଭିତ୍ତିକ କାର୍ଯ୍ୟକ୍ରମରେ ସଫଳତା-୨୦୧୭-୧୮

• ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ମାତୃ ଓ ଶିଶୁ ସ୍ୱାସ୍ଥ୍ୟ ଭିତ୍ତିକ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ କାର୍ଯ୍ୟକ୍ଷମ ।ରାଜସୁନାଖଳାଠାରେ ୩୦ ଶଯ୍ୟା ବିଶିଷ୍ଟ ମାତୃ ଓ ଶିଶୁ ସ୍ୱାସ୍ଥ୍ୟ ଭିତ୍ତିକ ହସ୍ପିଟାଲ ଶେଷ ପର୍ଯ୍ୟାୟରେ ପହଞ୍ଚିଅଛି ।ଖଣ୍ଡପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରଠାରେ ୩୦ ଶଯ୍ୟା ବିଶିଷ୍ଟ ମାତୃ ଓ ଶିଶୁ ସ୍ୱାସ୍ଥ୍ୟ ଭିତ୍ତିକ ହସ୍ପିଟାଲ ପ୍ରଗତୀଶୀଳ ।
• ସହାୟତା କେନ୍ଦ୍ରନୟାଗଡ ଜିଲ୍ଲା ମୁଖ୍ୟାଳୟରେ ଓ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରଠାରେ ରୋଗୀମାନଙ୍କୁ ସହାୟତା କରିବା ପାଇଁ ଆଉଟ ସୋର୍ସିଂ ମାଧ୍ୟମରେ ଉତ୍ସର୍ଗୀକୃତ ଜନଶକ୍ତିଙ୍କୁ ନେଇ ଦୁଇଟି ସହାୟତା କେନ୍ଦ୍ର କାର୍ଯ୍ୟକ୍ଷମ ।
• ପ୍ରଧାନମନ୍ତ୍ରୀ ସୁରକ୍ଷିତ ମାତୃତ୍ୱ ଅଭିଯାନନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ୧୨ଟି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରଠାରେ ନଭେମ୍ବର ମାସ ୨୦୧୨ ମସିହାରୁ ପ୍ରତ୍ୟେକ ମାସର ୯ ତାରିଖ ଦିନ ପ୍ରଧାନମନ୍ତ୍ରୀ ସୁରକ୍ଷିତ ମାତୃତ୍ୱ ଅଭିଯାନ ଆରମ୍ଭ ହୋଇଛି । ଏହି କାର୍ଯ୍ୟକ୍ରମରେ ଗର୍ଭବତୀ ମା ମାନଙ୍କୁ ପ୍ରସବ ପୂର୍ବ କାଳୀନ ସେବା ଦିଆଯାଉଛି ।
• ଜନ ଔଷଧୀ କେନ୍ଦ୍ରଜିଲ୍ଲା ମୁଖ୍ୟ ଚିକିତ୍ସାଳୟରେ ଜନସାଧାରଣଙ୍କୁ କମ୍ ମୂଲ୍ୟରେ ଓୌଷଧ ଜନ ଔଷଧୀ କେନ୍ଦ୍ର ମାଧ୍ୟମରେ ଯୋଗାଇ ଦିଆଯାଉଛି ।
• ପୃଷ୍ଟି ସାଧନ କେନ୍ଦ୍ରଜିଲ୍ଲା ମୁଖ୍ୟ ଚିକିତ୍ସାଳୟ ଓ ଖଣ୍ଡପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରଠାରେ ଉତ୍ସର୍ଗୀକୃତ ଜନଶକ୍ତୀଙ୍କୁ ନେଇ ଦୁଇଟି ପୃଷ୍ଟି ସାଧନ କେନ୍ଦ୍ର କାର୍ଯ୍ୟକ୍ଷମ । ଏହି ବର୍ଷ  ୪୩ ଓ ୬୪ ଜଣ ଅପପୃଷ୍ଟି ର ଶିକାର ହୋଇଥିବା ଶିଶୁଙ୍କୁ ଯଥାକ୍ରମେ ଉପରୋକ୍ତ କେନ୍ଦ୍ରେ ସେବା ଦିଆଯାଇଛି।
• ନବଜାତ ଶିଶୁ ସେବା କେନ୍ଦ୍ରନବଜାତ ଶିଶୁଙ୍କୁ ତତ୍ କ୍ଷଣାତ ସ୍ୱାସ୍ଥ୍ୟ ସେବା ଦେବାପାଇଁ ସ୍ଥିରିକୃତ ୧୫ ଟି ସରକାରୀ ଅନୁଷ୍ଠାନରେ ନବଜାତ ଶିଶୁ ସେବା କେନ୍ଦ୍ର ଅବସ୍ଥାପିତ ଓ କାର୍ଯ୍ୟକ୍ଷମ, ଯେଉଁଥିରେ ୨୪ ଗୋଟି ରେଡିଆଣ୍ଟ ଓ୍ୱାର୍ମର ଲଗାଯାଇଅଛି ।
• ଜିଲ୍ଲାରେ ଅସୁସ୍ଥ ଶିଶୁ ଓ ନବଜାତ ମୃତ୍ୟୁ ହାର କମାଇବା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟଠାରେ ୧୨ ଶଯ୍ୟା ବିଶିଷ୍ଠ ସ୍ୱତନ୍ତ୍ର ନବଜାତ ଶିଶୁ କେନ୍ଦ୍ର ସ୍ଥାପନା କରାଯାଇଛି । ( ଏହି ବର୍ଷ ସମୁଦାୟ ୯୬୪ ଜଣ ନବଜାତ ଶିଶୁଙ୍କୁ ସେବା ଦିଆଯାଇଛି ) ଏହି ଚିକିତ୍ସାଳୟରେ ଆପଣଙ୍କୁ ସ୍ୱାଗତ । ଏହାର ପରିବେଶକୁ ପରିସ୍କାର ପରିଛନ୍ନ ରଖିବା ପାଇଁ ଯଥା ସମ୍ବନ୍ଧ ପ୍ରୟାସ କରିବେ ।
• ଗାଁ କଲ୍ୟାଣ ସମିତିଜିଲ୍ଲାରେ ୧୩୮୯ ଗୋଟି ଗାଁ କଲ୍ୟାଣ ସମିତି କାର୍ଯ୍ୟକ୍ଷମ ଏବଂ ପ୍ରତି ବର୍ଷ ପ୍ରତ୍ୟକ ଗାଁ କଲ୍ୟାଣ ସମିତିକୁ ଟ୧୦,୦୦୦/- ଟଙ୍କା ଲେଖାଏଁ ଦିଆଯାଇଛି । ଏପର୍ଯ୍ୟନ୍ତ ୯୫୦୦ ଜଣ ଗାଁ କଲ୍ୟାଣ ସମିତିର ସଭ୍ୟ/ସଭ୍ୟାମାନଙ୍କୁ ବିଭିନ୍ନ ତାଲିମ ମାନ ଦିଆଯାଇ ସେମାନଙ୍କ ଦକ୍ଷତା ବୃଦ୍ଧି କରାଯାଇଛି ।
• ଆଶାକର୍ମୀସ୍ୱାସ୍ଥ୍ୟ ସେବାରେ ଉନ୍ନତି ଗୋଷ୍ଠୀ ସ୍ତରରେ ସଚେତନତା, ଠିକ୍ ସମୟରେ ଗ୍ରାମ୍ୟ ସ୍ଥରେ ସ୍ୱାସ୍ଥ୍ୟ ସେବା ପହଁଚାଇବା ଇତ୍ୟାଦି ପାଇଁ ପ୍ରତି ୧୦୦୦ ଜନସଂଖ୍ୟରେ ଜିଲ୍ଲାରେ ୮୯୬ ଜଣ ଆଶାକର୍ମୀ କାର୍ଯ୍ୟରତ । ସେମାନଙ୍କର ସ୍ୱାସ୍ଥ୍ୟ ଭିତ୍ତିକ ଜ୍ଞାନ କୌଶଳ ବୃଦ୍ଧି ନିମନ୍ତେ ବିଭିନ୍ନ ସମୟରେ ଓ ସ୍ତରରେ ତାଲିମ ଦିଆଯାଉଛି । ଯୋଗାଯୋଗ, ସ୍ୱାସ୍ଥ୍ୟଭିତ୍ତିକ ପରାମର୍ଶ, ଜରୁରୀ କାଳୀନ ସ୍ୱାସ୍ଥ୍ୟ ସେବାପାଇଁ ସମସ୍ତ ଆଶାକର୍ମୀ ମାନଙ୍କୁ ବି.ଏସ. ଏନ୍. ଏଲ (ସି.ୟୁ.ଜି) ସିମ୍ କାର୍ଡ ପ୍ରଦାନ କରାଯାଇଛି । ସେକ୍ଟର ସ୍ତରରେ ଆଶାମାନଙ୍କୁ ସହାୟତା ନିମନ୍ତେ ଆଶା ସାଥି ମାନେ ନିଯୁକ୍ତ ହୋଇଛନ୍ତି ।
• ଜନନୀ ସୁରକ୍ଷା କାର୍ଯ୍ୟକ୍ରମଆନୁଷ୍ଠାନିକ ପ୍ରସବକୁ ଉତ୍ସାହିତ କରିବା ପାଇଁ ଜାତୀୟ ସ୍ୱାସ୍ଥ୍ୟ ମିଶନ୍ ଅନ୍ତର୍ଗତ ଜନନୀ ସୁରକ୍ଷା କାର୍ଯ୍ୟକ୍ରମ ୨୦୦୬ ମସିହାଠାରୁ ଚାଲୁଅଛି । ଏହି କାର୍ଯ୍ୟକ୍ରମ ମାଧ୍ୟମରେ ୨୯୩୧ ଜଣ ‘ମା’ ଲାଭ ପାଇପାରିଛନ୍ତି(ଅପ୍ରେଲ-ଅଗଷ୍ଟ- ୨୦୧୭)।
• ଜନନୀ ଶିଶୁ ସୁରକ୍ଷା କାର୍ଯ୍ୟକ୍ରମଜନନୀ ଶିଶୁ ସୁରକ୍ଷା କାର୍ଯ୍ୟକ୍ରମରେ ଉଭୟ ମା ଓ ଶିଶୁଙ୍କୁ ୧୩ଟି ସ୍ଥିରିକୃତ ସରକାରୀ ସ୍ୱାସ୍ଥ୍ୟକେନ୍ଦ୍ରଠାରେ ଅର୍ଥ ବିହୀନ ସେବା ଦିଆଯାଉଛି। ଏହି ସେବାରେ ମାଗଣା ଔଷଧ, ମାଗଣା ରୋଗ ନିରୁପଣ, ମାଗଣା ଯାତାୟତ, ମାଗଣା ଖାଦ୍ୟ ଓ ମାଗଣା ରକ୍ତ ଇତ୍ୟାଦି ଅନ୍ତର୍ଭୁକ୍ତ।
• ମମତା ଦିବସପ୍ରତ୍ୟେକ ମାସରେ ଜିଲ୍ଲାର ସମସ୍ତ ଅଙ୍ଗନଓ୍ୱାଡି କେନ୍ଦ୍ରରେ ଗର୍ଭବତୀ, ପ୍ରସୂତୀ ମାଙ୍କୁ ଶିଶୁ (୦-୩ବର୍ଷ) ଓ କିଶୋରୀ ବାଳିକମାନଙ୍କୁ ପ୍ରଥମିକ ସେବା ଦେବାପାଇଁ ମମତା ଦିବସ ପାଳନ କରାଯାଉଛି ।
• ରୋଗୀ କଲ୍ୟାଣ ସମିତିଜିଲ୍ଲାରେ ସମୁଦାୟ ୫୦ ଟି ରୋଗୀ କଲ୍ୟାଣ ସମିତି ଅନୁଷ୍ଠାନ ସ୍ତରରେ କାର୍ଯ୍ୟକ୍ଷମ। ଉପଯୁକ୍ତ ସ୍ୱାସ୍ଥ୍ୟ ସେବା ଯୋଗାଇ ଦେବାପାଇଁ ରୋଗୀ କଲ୍ୟାଣ ସମିତି ମାଧ୍ୟମରେ ବିଭିନ୍ନ ସମାସ୍ୟାର ସମାଧାନ କରାଯାଇଥାଏ ।
• ରକ୍ତ ଭଣ୍ଡାରଜିଲ୍ଲା ମୂଖ୍ୟ ଚିକିତ୍ସାଳୟ ଓ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଦଶପଲାରେ ଗୋଟିଏ ଲେଖାଏଁ ରକ୍ତ ଭଣ୍ଡାର ରହିଛି । ଅନ ଲାଇନ ମାଧ୍ୟମରେ ଓ ବ୍ଳଡ ଗୃପ ଅନୁସାରେ ଷ୍ଟକ ସ୍ଥିତି ଅନୁଧ୍ୟାନ କାରାଯାଇଥାଏ ।
• ହେଲଥ୍ ମ୍ୟାନେଜମେଣ୍ଟ ଇନଫରମେସନ ସିଷ୍ଟମ (ଏଚ. ଏମ. ଆଇ. ଏସ୍)ଜିଲ୍ଲାର ସମସ୍ତ ସ୍ୱାସ୍ଥ୍ୟ କେନ୍ଦ୍ରର ସ୍ୱାସ୍ଥ୍ୟ ସମ୍ବନ୍ଧୀୟ ତଥ୍ୟକୁ ଅନଲାଇନ୍ ମାଧ୍ୟଲେରେ ପ୍ରତି ମାସରେ ଏଣ୍ଟ୍ରି କରାଯାଏ । ଏହି ତଥ୍ୟ ଆଧାରରେ ଉପଯୁକ୍ତ ଖସଡା ପ୍ରସ୍ତୁତ କରାଯାଇ ଲୋକମାନଙ୍କପାଇଁ ସ୍ୱାସ୍ଥ୍ୟସେବା ଯୋଗାଇ ଦିଆଯାଏ ।

• ଆୟୂଷଏଲୋପାଥିକ୍ ଡାକ୍ତରଙ୍କ ଅଭାବ ପୂରଣ କରିବାପାଇଁ ୩୯ ଜଣ ଆର୍ୟୁବେର୍ଦିକ୍ ଓ ହୋମିଓପାଥିକ୍ ଡାକ୍ତର ଜିଲ୍ଲାର ବିଭିନ୍ନ ଗ୍ରାମାଞ୍ଚଳ ସ୍ୱାସ୍ଥ୍ୟକେନ୍ଦ୍ରରେ କର୍ଯ୍ୟ କରୁଛନ୍ତି ।
• ଟ୍ରେନିଂକର୍ମଚାରି ମାନଙ୍କର ଦକ୍ଷତା ବୃଦ୍ଧି ପାଇଁ ରାଜ୍ୟ, ଜିଲ୍ଲା ଓ ବ୍ଳକ ସ୍ତରରେ ଉପଯୁକ୍ତ ଟ୍ରେନିଙ୍ଗ ଦିଆଯାଏ ।
• ଟୀକାକରଣସମସ୍ତ ଗର୍ଭବତୀ ମହିଳା ଓ ୦-୧୫ବର୍ଷ ବର୍ଗର ସମସ୍ତ ଶିଶୁ ମାନଙ୍କୁ ଉପଯୁକ୍ତ ଟୀକାକରଣ କରାଯାଇଥାଏ ।
• ରାଷ୍ଟ୍ରୀୟ ବାଲ୍ ସ୍ୱାସ୍ଥ୍ୟ କାର୍ଯ୍ୟକ୍ରମ-୧୮ବର୍ଷ ଶିଶୁମାନଙ୍କର ନୀୟମିତ ବ୍ୟବଧାନରେ ସ୍ୱାସ୍ଥ୍ୟ ପରୀକ୍ଷା କରାଯାଇ ଶିଶୁ ମାନଙ୍କର ଜନ୍ମଗତ ତ୍ରୁଟି, ସ୍ୱାସ୍ଥ୍ୟ ସମାସ୍ୟା, ବିଳମ୍ୱିତ ବିକାଶ ଓ ଅକ୍ଷମତାର ସହଳ ଚିହ୍ନଟ କରଣ ଓ ଆବଶ୍ୟକୀୟ ପଦକ୍ଷେପ ନିଆଯାଇଛି । ଜନ୍ମ ସମୟରେ ସ୍ୱାସ୍ଥ୍ୟକେନ୍ଦ୍ରରେ ନବଜାତ ଶିଶୁଠାରେ ସମ୍ଭବ୍ୟ ଜନ୍ମଗତ ତୃଟିର ଚିହ୍ନଟକରଣ କରାଯାଉଅଛି । ମୋବାଇଲ ହେଲଥ ଟିମ (ଏମ. ଏଚ.ଟି.) ଦ୍ୱାରା ପ୍ରତ୍ୟେକ ଅଙ୍ଗନୱାଡି କେନ୍ଦ୍ର, ବିଦ୍ୟାଳୟ ଓ ଯୁକ୍ତ ୨ ବିଦ୍ୟାଳୟ ପରିଦର୍ଶନ କରି ନିୟମିତ ବ୍ୟବଧାନରେ ଶିଶୁମାନଙ୍କ ସ୍ୱାସ୍ଥ୍ୟ ପରୀକ୍ଷା ଏବଂ ବିଳମ୍ୱିତ ବିକାଶ ତଥା ଅକ୍ଷମତାର ସହଳ ଟିହ୍ନଟକରଣ। ଡି.ଇ.ଆଇ.ସି. ମାଧ୍ୟମରେ ଜନ୍ମଗତ ତୃଟିର ଚିକିତ୍ସାପାଇଁ ଉପଯୁକ୍ତ ସ୍ୱାସ୍ଥ୍ୟକେନ୍ଦ୍ର ଯଥା- କଟକ ବଡଡାକ୍ତରଖାନା, କ୍ୟାପିଟାଲ ହସ୍ପିଟାଲ, ଭୂବନେଶ୍ୱର, ଏମ.କେ.ସି. ଜି. ମେଡିକାଲ,ବ୍ରହ୍ମପୁର, ଆପୋଲ ହସପିଟାଲ ଭୂବନେଶ୍ୱର, ଏମସ୍ ହସ୍ପିଟାଲ ଭୂବନେଶ୍ୱର ଆଦିକୁ ପ୍ରରଣ କରାଯାଇଥାଏ ।

ଜିଲ୍ଲାରେ ଥିବା ସ୍ୱାସ୍ଥ୍ୟ କେନ୍ଦ୍ର ମାନଙ୍କର ମାନଚିତ୍ର (ମଣ୍ଡଳୱାରି)

• ଗଣିଆ ବ୍ଲକ(ପି ଡି ଏଫ ୩୪୮ କେବି)
  ଦଶପଲ୍ଲା ବ୍ଲକ (ପି ଡି ଏଫ ୬୭୮ କେବି)
• ଭାପୁର ବ୍ଲକ (ପି ଡି ଏଫ ୨୯୦ କେବି)
• ନୟାଗଡ ବ୍ଲକ (ପି ଡି ଏଫ ୩୧୪ କେବି)
• ନୂଆଗାଁ ବ୍ଲକ (ପି ଡି ଏଫ ୩୭୮ କେବି)
• ଓଡଗାଁ ବ୍ଲକ (ପି ଡି ଏଫ ୪୦୯ କେବି)
• ରଣପୁର ବ୍ଲକ (ପି ଡି ଏଫ ୪୩୩ କେବି)
• ଖଣ୍ଡପଡା ବ୍ଲକ  (ପି ଡି ଏଫ ୪୫୫ କେବି)